Завершаны рамонт помнікаў у вёсцы Блізная
На тэрыторыі Ружанскага сельсавета знаходзіцца 16 пахаванняў перыяду Вялікай Айчыннай вайны. Сярод іх – брацкія магілы савецкіх воінаў і мірных жыхароў на могілках у вёсцы Блізная.
Палотнаў вышытых узор
У музеі-сядзібе “Пружанскі палацык” з 14 кастрычніка 2021 года працуе выстава “Палотнаў вышытых узор”, на якой прадстаўлены работы майстрых-вышывальшчыц Святланы Швед і Алены Клімянковай з аграгарадка Клепачы.
Свята прыходзіць разам з аўтаклубам
Віншаванні ніколі не бываюць познімі!
20 – 21 кастрычніка аўтаклуб наведаўся ў вёскі Пружанскага раёна Галасяціна, Дабучын, Носкі, Залессе і Росахі, каб павіншаваць жыхароў гэтых населеных пунктаў з Міжнародным днём пажылых людзей і Днём маці.
Вывучаем народную спадчыну
21 кастрычніка 2021 года вучні сярэдняй школы № 5 г.Пружаны наведалі музей-сядзібу “Пружанскі палацык”. Навуковы супрацоўнік правяла для гасцей лекцыю “Таямніцы беларускай хаты”. У этнаграфічнай зале школьнікі мелі выдатную магчымасць пазнаёміцца з беларускім сялянскім побытам, атрымалі шмат каштоўнай інфармацыі пра вясковыя прылады працы і посуд, іх прызначэнне і выкарыстанне, а таксама даведаліся шмат новага пра адзін з самых старажытных і найбольш распаўсюджаных хатніх промыслаў і відаў народнага мастацтва – ткацтва.
Беражыце здароўе!
Пружанская раённая дзіцячая бібліятэка імя Алены Лось запрасіла да сябе ў госці вучняў 3 «Б» класа гімназіі.
Вызначыліся майстры Палаца культуры
13 – 16 кастрычніка 2021 года ў г.п.Копысь Аршанскага раёна прайшоў міжнародны пленэр дэкаратыўна-прыкладнога мастацтва. Пружаншчыну на ім прадстаўляў кіраўнік гуртка майстэрні “Глiняныя цапстрыкi” Генадзь Міранюк. Ён прэзентаваў свае работы на выставе рамёстваў “Аршанскі кірмаш”, а таксама паўдзельнічаў у конкурсе ганчароў “Гліна спявае”, на якім атрымаў дыплом лаўрэата І-й ступені.
Адзначалі Дзень маці
Дзень маці шырока і разнастайна адзначаўся ва ўстановах культуры Пружаншчыны.
Трэнінг па рэалізацыі мікрапраектаў
Праграма трансгранічнага супрацоўніцтва “Польша-Беларусь-Украіна 2014 – 2020” з’яўляецца вынікам волі трох краін будаваць узаемныя адносіны і дасягаць агульных мэт на прыгранічнай тэрыторыі.
Аддзел культуры Пружанскага райвыканкама рыхтуецца да пачатку рэалізацыі праекта “Культура рэгіёна Белавежскай пушчы – праз агульную спадчыну да трансгранічнага супрацоўніцтва”.
14 кастрычніка 2021 года ў г.Брэсце прадстаўнікі аддзела культуры прынялі ўдзел у трэнінгу па рэалізацыі мікрапраектаў для бенефіцыяраў 2-га і 3-га конкурсных набораў.
Спецыялістамі Праграмы былі агучаны асноўныя прынцыпы рэалізацыі праектаў, дадзена інфармацыя аб дзеяннях у выпадку іх змяненняў у ходзе рэалізацыі, правілы напісання справаздач і інш.
Любым матулям прысвячаецца
На працягу ўсяго тыдня ва ўстановах культуры ішла падрыхтоўка і святкаванне Дня маці – рыхтаваліся віншаванні, выставы і падарункі, праходзілі канцэрты.
Пружанскі гарадскі Палац культуры звярнуўся да матуль праз відэавіншаванне (гладзець тут).
Працавітыя рукі матулі
У будынку Пружанскага гарадскога Палаца культуры, які знаходзіцца па вул. Інтэрнацыянальнай, 26, адкрылася выстава творчых работ “Працавітыя рукі матулі”.
Напярэдадні свята – Дня маці, які адзначаецца ў Беларусі 14 кастрычніка, – удзельнікі студыі “Творчы мікс” сабралі невялікую калекцыю твораў дэкаратыўна-прыкладнога мастацтва, зробленых бабулямі і матулямі.
І святкавалі, і працавалі!
Нягледзячы на сваё прафесійнае свята работнікі культуры Пружаншчыны працягвалі працу напярэдадні і ў выхадныя дні.
Гульнявая праграма “Вершки и корешки” для выхаванцаў мясцовага дзіцячага садка адбылася ў Слабудскім сельскім Доме культуры. Моладзь, як звычайна, увечары мела магчымасць патанцаваць на дыскатэцы.
Свята работнікаў культуры
10 кастрычніка адзначаўся Дзень работнікаў культуры Беларусі.
На Пружаншчыне ў арганізацыях сферы культуры працуе 404 чал. – гэта работнікі клубных устаноў, бібліятэк, дзіцячых школ мастацтваў, музеяў і кінатэатра.