Адным з вялікіх свят хрысціянскага календара з’яўляецца Хрышчэнне Гасподне. Менавіта да гэтай даты Шарашоўскі цэнтр культуры і вольнага часу прымеркаваў праграму «Раз в крещенский вечерок». Работнікі ўстановы, якія выступілі ў якасці Гаспадыні і Унучкі, пазнаёмілі ўдзельнікаў мерапрыемства з традыцыямі і звычаямі гэтага свята, прапанавалі паўдзельнічаць у некаторых элементах яго абраднасці. Не застаўся па-за ўвагай шарашоўцаў і 70-гадовы юбілей мясцовай жыхаркі В.У.Аўгусціновіч, да якой разам з роднымі завіталі з добрымі словамі і шчырымі пажаданнямі работнікі культуры.

У мінулыя выхадныя ў дыскатэчнай зале Пружанскага гарадскога Палаца культуры адбылася дзелавая гульня «Бізнес-квэст» для падлеткаў, арганізаваная ўзорным клубам «Teens-фармат». У ёй прынялі ўдзел каманды з сярэдніх школ № 3 і № 5, а таксама гімназіі.

У дзіцячай школе мастацтваў імя Р.Р.Шырмы адбыўся займальны ўрок сальфеджыа ў першым класе.

Яго падрыхтавалі і правялі настаўнікі тэарэтычнага аддзялення ўстановы – Н.А.Засім, Г.Я.Масайла і А.У.Сівуда.

Памяці славутага земляка Рыгора Раманавіча Шырмы, 130-годдзе з дня нараджэння якога адзначалася на мінулым тыдні, быў прысвечаны шэраг мерапрыемстваў ва ўстановах культуры Пружаншчыны.

Рыгор Раманавіч Шырма (псеўданімы – Р.Баравы, Вучыцель) (21 (08).01.1892 – 23.03.1978) – беларускі харавы дырыжор, кампазітар, педагог, фалькларыст, этнограф, грамадскі дзеяч, публіцыст, латаратуразнаўца.

У мінулыя выхадныя найбольш мерапрыемстваў было прысвечана духоўна-маральнай тэматыцы. І нездарма. Менавіта ў дні Нараджэння Хрыстова ёсць яшчэ адна нагода ўспомніць аб душы, светлым свяце, прыйсці ў храм, паслухаць добрыя спевы, наведаць родных.

Увечары перад “старым” Новым годам адбылося сапраўднае тэатралізаванае дзейства, якое мела не столькі забаўляльны, колькі сімвалічны сэнс, звязаны са старадаўнім земляробчым календаром, – гэта Шчадруха.

Штогод у трэцюю нядзелю студзеня адзначаецца Сусветны дзень рэлігіі. Гэта свята афіцыйна ўнесена ў каляндар Арганізацыі Аб’яднаных Нацый.

Дзень рэлігіі ўпершыню прайшоў у Злучаных Штатах Амерыкі ў 1950 годзе. Яго ініцыятарам выступіў Нацыянальны духоўны сход бахаі. Потым ідэю падхапілі ў іншых краінах.

Мэта Сусветнага дня рэлігіі – інфармаванне людзей аб адзінай сутнасці ўсіх рэлігій і пераадоленне разнагалоссяў паміж прадстаўнікамі канфесій.

Дэвіз свята: «Рэлігія павінна быць прычынай адзінства!».

Адно з галоўных месцаў ў народным календары займаюць Каляды, якія доўжацца ад свята Нараджэння Хрыстова (7 студзеня) да Хрышчэння Гасподня (19 студзеня). Асаблівае месца у гэтым цыкле абрадаў належыць Шчодраму вечару (13 студзеня).