У Новазасімавіцкай сельскай бібліятэцы ў верасні 2021 года прайшоў шэраг мерапрыемстваў. Сярод іх – захапляльная краязнаўчая гульня “У вёсцы”. Гэту настольную гульню распрацавалі самі супрацоўнікі бібліятэкі. Вучні адзінаццатага класа Параслянскай сярэдняй школы, якія паўдзельнічалі ў гульні, змаглі здзейсніць завочнае падарожжа па самым вядомым мясцінам свайго роднага населенага пункта, даведаліся цікавыя гістарычныя факты аб ім, а таксама разгадвалі рэбусы і выконвалі іншыя нестандартныя заданні.

26 верасня 2021 года работнікі аўтаклуба стварылі сапраўднае свята для жыхароў вёскі Ляхі.

Яго правядзенню, якое, дарэчы, ужо адкладвалася з-за неспрыяльнага надвор’я, нарэшце пасадзейнічала сонейка, а таксама цёплая і добразычлівая атмасфера, якая ўсталявалася падчас правядзення мерапрыемства.

Напярэдадні і ў выхадныя дні ўстановы культуры Пружаншчыны правялі шэраг рознапланавых мерпрыемстваў.

З 1925 года міжнародная супольнасць адзначае свята, прысвечанае турызму. Кожны чалавек мае права паглядзець свет, дакрануцца да культурных традыцый розных народаў і краін, атрымаць асалоду ад багацця і прыгажосці прыроды.

Аддзел культуры Пружанскага райвыканкама таксама не застаецца ўбаку ад сучасных патрабаванняў і прапаноўвае пазнаёміцца з Пружанамі падчас агляднай аўта-пешаходнай экскурсіі па самых цікавых мясцінах нашага горада.

21 верасня 2021 года ў Ружанскай горпасялковай бібліятэцы прайшла гадзіна духоўнасці, прысвечаная Ражаству Прасвятой Багародзіцы “И лик святой нам душу греет”. Бібліятэкары Ніна Севасцьянчык і Галіна Заяц пазнаёмілі ўдзельнікаў сустрэчы з гісторыяй ўзнікнення рэлігійнага свята, відамі абразоў Божай Маці. У мерапрыемстве прыняў удзел настаяцель храма святых апосталаў Пятра і Паўла г.п.Ружаны Аляксандр Сень. Наведвальнікі бібліятэкі таксама пазнаёміліся з выставай вышытых карцін майстрых Раісы Гаўрыленка і Вольгі Левінковай, прымеркаванай да свята.

18 жніўня 2021 года ў вёсцы Каштанаўка Пружанаскага раёна праходзілі здымкі пректа Белтэлерадыёкампаніі “Камень-ножницы-бумага”.

У сядзібна-паркавым комплексе здымачную групу сустракаў Барыс Бокша, які за ўласныя сродкі аднаўляе старажытную сядзібу. Ён пазнаёміў журналістаў з гісторыяй і перспектывамі развіцця гэтай гісторыка-культурнай каштоўнасці. Удзел у здымках прымаў таксама народны ансамбль танца “Спадчына” Пружанскага гарадскога Палаца культуры.

Рэпартаж з Каштанаўку ўжо ў эфіры тэлеканала “Беларусь – 2”. Вядучая Алеся распавядае шырокай аўдыторыі пра сядзібу Дзяконскіх.

Знаёмцеся!

Дзень народнага адзінства – дзяржаўнае свята, якое стала адзначацца ў Рэспубліцы Беларусь з 2021 года. Да шматлікіх мерапрыемстваў, якія прайшлі на Пружаншчыне з нагоды гэтай падзеі, далучыліся і прадстаўнікі грамадскіх аб’яднанняў, сярод якіх многа работнікаў розных сфер – культуры, адукацыі, гандлю, медыцыны, сельскай гаспадаркі і інш.

Праз Пружанскі раён прайшоў маршрут VIII-га Афанасьеўскага велапрабега, прымеркаванага да дня памяці прападобнамучаніка Афанасія Брэсцкага (Філіповіча).

У абласных святочных мерапрыемствах, якія праходзілі ў г.Бяроза з нагоды дзяржаўнага свята – Дня народнага адзінства, прынялі ўдзел майстры народнай творчасці Людміла Яроцкая і Людміла Паўлючык з Навасёлкаўскага сельскага Дома культуры, а таксама ганчары Віталь Раманоўскі і Генадзь Міранюк (Пружанскі гарадскі Палац культуры). На сцэне разам з лепшымі мастацкімі калектывамі Брэстчыны сваю творчасць прэзентаваў народны ансамбль танца “Спадчына”.