Вучні класа выяўленчага мастацтва Шарашоўскай дзіцячай школы мастацтваў прынялі ўдзел у Першым адкрытым рэгіянальным мастацкім конкурсе малюнка “На Мышанцы”, ініцыятарам правядзення якога сталі аддзел ідэалагічнай работы, культуры і па справах моладзі Баранавіцкага райвыканкама і Новамышская дзіцячая школа мастацтваў.
Узорны ансамбль эстраднага танца “Рубікон” паспяхова выступіў на VIII-м Міжнародным фестывалі-конкурсе «Новые вершины – 2022».
Дзіцячая школа мастацтваў імя Р.Р.Шырмы г.Пружаны правяла яшчэ адну вечарыну з цыкла “Пасвячэнне ў юныя музыканты”. На гэты раз урачыстае мерапрыемства адбылося на струнна-смычковым і духавым аддзяленнях установы.
26 сакавіка 2022 года ў Пружанскім гарадскім Палацы культуры адбылося VII міжрэгіянальнае свята-конкурс інструментальнай музыкі «Музычны калейдаскоп».
У конкурсе прынялі ўдзел дзіцячыя і дарослыя калектывы аматарскай творчасці Пружанскага, Брэсцкага, Бярозаўскага, Драгічынскага, Івацэвіцкага, Маларыцкага, Пінскага і Столінскага раёнаў Брэсцкай вобласці.
Дзіцячыя школы мастацтваў звяртаюць увагу не толькі на музычна-эстэтычнае навучанне, але і выхаваўчую работу, здароўе і бяспеку сваіх вучняў.
Установы дадатковай адукацыі правялі шэраг мерапрыемстваў у рамках Тыдня нулявога траўматызму.
У Ліноўскай дзіцячай школе мастацтваў адбыўся раённы семінар настаўнікаў, якія выкладаюць харавыя спевы.
26 сакавіка ўзорны клуб “Teens-фармат” гарадскога Палаца культуры далучыўся да самай масавай Міжнароднай экалагічнай акцыі “Гадзіна Зямлі” і запрасіў падтрымаць яе жыхароў горада – выключыць электрычнае святло хаця б на 1 гадзіну. Падлеткі правялі своеасаблівую інфармацыйную кампанію – раздавалі пружанцам флаеры і расказвалі аб сутнасці мерапрыемства.
У Шарашоўскай дзіцячай школе мастацтваў прайшоў адкрыты ўрок па сальфеджыа на тэму “Рытмічныя групы ў размеры 2/4”. Яго правяла настаўнік Чыгрына Таццяна Мікалаеўна.
Бібліятэчнымі ўстановамі раёна шмат ўвагі надаецца рознабаковаму выхаванню маладога пакалення, заахвочванню чытання маленькіх і дарослых.
Кожны з нас на працягу ўсяго жыцця носіць у сваім сэрцы часцінку таго месца, дзе ён нарадзіўся. Менавіта нашаму прыгожаму, чыстаму і спакойнаму гораду было прысвечана мерапрыемства “Культурная спадчына майго краю”, падрыхтаванае настаўнікамі і вучнямі харавога і фартэпіяннага аддзяленняў дзіцячай школы мастацтваў імя Р.Р.Шырмы г.Пружаны, якое адбылося 19 сакавіка ў зале ўстановы.
У Пружанскай раённай дзіцячай бібліятэцы імя А.Лось адкрылася кніжная выстава “Нельга апраўдаць. Нельга забыць. Нельга зразумець”, прысвечаная Году гістарычнай памяці і расследаванню фактаў генацыду беларускага народа ў гады Вялікай Айчыннай вайны. Выстава складаецца з некалькіх раздзелаў – “Попел вайны”, дзе ўтрымліваюцца звесткі аб спаленых вёсках Пружаншчыны, “Тэрыторыя смерці” – расказваецца аб буйных лагерах смерці на тэрыторыі Беларусі, а таксама раздзел, які апавядае аб ахвярах Халакосту.
22 сакавіка на Пружаншчыне прайшлі памятныя мерапрыемствы, прысвечаныя гадавіне хатынскай трагедыі.
Прадстаўнікі ўлады, грамадскіх і рэлігійных арганізацый, працоўных калектываў, ваеннаслужачыя, школьнікі наведалі знакавыя мясціны раёна, прынялі ўдзел у адзіных класных гадзінах ва ўстановах адукацыі.