Напрыканцы лістапада ў Пружанскай цэнтральнай раённай бібліятэцы імя Міколы Засіма адбыліся цікавыя і душэўныя сустрэчы для розных катэгорый наведвальнікаў.

Удзельнікі ўзорнага клуба «Teens-фармат» Пружанскага гарадскога Палаца культуры знялі інфармацыйны відэаролік да Сусветнага дня барацьбы супраць СНІДу, які штогод адзначаецца 1 снежня.

Пад такой назвай 25 лістапада ў Навасёлкаўскім сельскім Доме культуры прайшло  ўшанаванне  маладых спецыялістаў, якія атрымалі сваё першае рабочае месца ў філіяле “Айчына” адкрытага акцыянернага таварыства “Белавежскі”. З гумарам, добрымі песнямі, вясёлымі конкурсамі маладыя людзі атрымалі пасведчанне на працу. Яны таксама намалявалі партрэт “дарагога начальніка” і далі клятву маладога спецыяліста.

26 лістапада 2022 года 50-гадовы юбілей адсвяткавала адкрытае акцыянернае таварыства “Жураўлінае”. Свята сабрала шмат гасцей і падаравала ўсім прысутным станоўчыя эмоцыі. Лепшыя работнікі арганізацыі атрымалі заслужаныя ўзнагароды. Канцэртную праграму падрыхтавалі Кляпацкі сельскі Дом культуры і Пружанскі гарадскі Палац культуры. Падрабязней пра святкаванне юбілею тут: https://www.trkbrest.by/20283-50-let-oao-zhuravlinoe.html

26 лістапада ў Пружанскім гарадскім Палацы культуры прайшоў восеньскі інтэлектуальны турнір “Дзе логіка?”, у якім прынялі ўдзел каманды “Аднакласнікі” (Параслянская СШ), “6 звілін” (СШ № 4), “Вітамікс” (гімназія), “Teens-фармат” (Пружанскі ГДК), “Бліцкрыг” (СШ № 5), “Нязнайкі” (СШ № 1). Турнір складаўся з 7 раундаў, у якіх патрэбна было знайсці агульнае сярод выяў, убраць лішняе ці знайці недахопы на малюнку, успомніць кінастужкі, расшыфраваць прымаўкі, пазнаць вядомых людзей па дзіцячых фотаздымках.

“Зоркі сышліся” – пад такой назвай адзначыў свой 55-гадовы творчы юбілей Мураўскі сельскі Дом культуры Пружанскага раёна.

У бібліятэках Пружанскага раёна ў лістападзе праходзіць месячнік папулярызацыі нацыянальнай культуры. Завяршальным мерапрыемствам гэтага цыклу ў Ліноўскай сельскай бібліятэцы сталі вячоркі “Беларускі народны фальклор”. На іх завіталі вучні мясцовай сярэдняй школы і народны фальклорны гурт “Бабіна лета” Ліноўскага сельскага Дома культуры.

24 лістапада 2022 г. адбыўся раённы семінар для работнікаў клубных устаноў дзяржаўнай установы культуры “Пружанская раённая цэнтралізаваная клубна сістэма”. У рамках сустрэчы метадыст Г.С.Махнач выступіла перад калегамі па тэме “Асноўныя падыходы фарміравання здаровага ладу жыцця”.

Нядаўна вучні групы падоўжанага дня мясцовай школы завіталі ў Навасёлкаўскі сельскі Дом культуры на літаратурную гадзіну “Добрыя словы на роднай мове”. Рабяты паспрабавалі сябе ў ролі перакладчыкаў, складвалі прыказкі і прымаўкі, гулялі ў рыфмы, адгадвалі загадкі і  вымаўлялі скарагаворкі. Напрыканцы сустрэчы школьнікі развучылі беларускую народную песню “Саўка ды Грышка”.

У Шарашоўскай дзіцячай школе мастацтваў прайшоў літаратурна-музычны вечар “Беларусь – мая краіна! Беларусы – гэта мы!”, прысвечаны Году гістарычнай памяці.