Сакрэт сямейнага шчасця

Да Міжнароднага дня сям’і, які ва ўсім свеце адзначаецца 15 мая, у аддзеле ЗАГС Пружанскага райвыканкама адбылося святочнае мерапрыемства.

На яго былі запрошаны юбіляры, якая ўжо не адно дзесяцігоддзе берагуць святло сямейнага жыцця. Сярод іх пары, якія будуюць сваё шчасце разам і пражылі ў шлюбе толькі 1 год, і тыя, хто ўжо 50 год рука да рукі ідуць па жыцці разам.

Удзельнікі гэтай светлай і шчырай сустрэчы падзяліліся сваімі сакрэтамі захавання сямейнага шчасця, успомнілі розныя сітуацыі, з якімі ім прыйшлося сустрэцца.

Свае музычныя віншаванні для прысутных сямейных пар падаравалі салісты Пружанскага гарадскога Палаца культуры Кацярына Цяжолава, Таццяна Сёмуха і Іна Якутовіч.

Віншуем усіх з Міжнародным днём сям’і!

Добавить комментарий