Міністэрства культуры Рэспублікі Беларусь пры падтрымцы Генеральнай пракуратуры праводзіць паўторны конкурс эскізных праектаў памятнага знаку ахвярам генацыду беларускага народа.
Да ўдзелу ў конкурсе запрашаюцца аўтары ці аўтарскія калектывы, здольныя распрацаваць эскізны праект памятнага знаку і дапамагчы ў яго рэалізацыі.
Для ўдзелу ў конкурсе да 1 лістапада 2022 г. уключна:
у Міністэрства культуры (220004, г.Мінск, пр.Пераможцаў, 11, оф. 801, тэлефон: +375172039591) падаеццца заяўка па ўсталяванай форме;
у дзяржаўную ўстанову культуры змешанага тыпу «Нацыянальны цэнтр сучасных мастацтваў Рэспублікі Беларусь» (г.Мінск, вул.Някрасава, 3, тэлефоны: +375172350331, +375173990978) прадстаўляюцца эскізны праект (эскіз кампазіцыйнага вырашэння твора мастацтва і тлумачальная запіска) і запячатаны канверт з інфармацыйным лістом.
Распрацоўка эскізнага праекта памятнага знаку павінна ажыццяўляцца на аснове дадзеных, выкладзеных у гістарычнай даведцы.
Асобы, якія займуць 1, 2, 3 месцы, атрымаюць грашовую прэмію ў памеры:
1-е месца – 100 базавых велічынь;
2-е месца – 80 базавых велічынь;
3-е месца – 50 базавых велічынь.
Асобы, якія займуць 4-е – 10-е месцы, – падзякі Міністэрства культуры.