Забеспячэнне дзіцячай бяспекі, занятасць і прафілактыка негатыўных з’яў сярод непаўналетніх — прыярытэтныя напрамкі работы клубных устаноў ДУК “Пружанская РЦКС” у арганізацыі летняга адпачынку. З гэтай нагоды ў апошнія дні мая прайшоў семінар для работнiкаў устаноў культуры па тэме “Арганізацыя вольнага часу і прафілактыка правапарушэнняў сярод непаўналетніх”.
У першай частцы работы семінара прынялі удзел начальнік інспекцыі па справах непаўналетніх РАУС В.М.Клімашэвіч, начальнік інспекцыі нагляду і прафілактыкі РАНС А.С.Пісьман, якія пазнаёмілі прысутных з асноўнымі прычынамі злачыннай дзейнасці сярод непаўналетніх і адказнасць за іх; метадамі прафілактычнай работы і захаваннем правілаў пажарнай бяспекі.
У Ліноўскім СДК гасцей з задорам сустракалі гарманісты ДУА “Ліноўская ДШМ” пад кіраўніцтвам А.В.Пракопчыка. Затым удзельнікі семінара паглядзелі конкурсна-забаўляльную праграму “Знай правила движения, как таблицу умножения” з удзелам інспектара ДАІ РАУС А.Гвоздзіка, якая праходзіла на пляцоўцы каля Дома культуры. Было вельмі прыемна назіраць, з якім азартам, актыўнасцю і цікавасцю ўдзельнічалі дзеці ў гульнях і конкурсах.
Шмат цікавага чакала і ў Доме культуры: выстава работ дзіцячай творчасці гуртка дэкаратыўна-прыкладнога мастацтва і гутарка з настаяцелем храма Уздзвіжання Крыжа Гасподняга ў в. Аранчыцы Аляксандрам Мялешкам, які расказаў пра духоўнае выхаванне падрастаючага пакалення.