11 снежня 2021 года у Пружанскім раёне стала на адзін храм больш. Менавіта ў гэты дзень чын вялікага асвячэння і літургію ў храме іконы Божай Маці “Спаручніца грэшных” у аграгарадку Шчарчова адслужыў архіепіскап Брэсцкі і Кобрынскі Іаан.
На урачыстым адкрыцці храма прысутнічалі святары Пружанскага благачыння, у тым ліку благачынны цэркваў Пружанскага раёна Міхаіл Носка і настаяцель храма ў Шчарчове Георгій Хадыніцкі, настаяцельніца Брэсцкага Свята-Ражаство-Багародзіцкага жаночага манастыра ігумення Аляксандра, прадстаўнікі ўлады Пружанскага раёна, мецэнаты, госці і прыхаджане.