У мінулую суботу на фартэпіянным аддзяленні дзяржаўнай установы адукацыі «Дзіцячая школа мастацтваў імя Р.Р.Шырмы г.Пружаны» прайшла вечарына «Пасвячэнне ў юныя музыканты».

На мерапрыемстве прысутнічалі педагогі, першакласнікі і іх бацькі, госці. Да вечарыны вучні, якія адвучыліся ўжо амаль тры чвэрці, падрыхтвалі невялікія музычныя творы, якія выканалі самастойна ці ў суправаджэнні настаўнікаў.

У гонар маленькіх піяністаў прагучала шмат добрых слоў і пажаданняў. Юныя музыканты атрымалі дыпломы вучняў дзіцячай школы мастацтваў і далі абяцанне добра засвойваць вучэбную праграму ўстановы.