21 лютага гледачы, якія прыйшлі ў Палац культуры г.Пружаны, змаглі трапіць у сапраўдную казку. На сцэне разгарнулася чароўнае дзейства, да якога далучыліся шматлікія дзеці і дарослыя.

Менавіта ў гэты дзень з гастролямі ў Пружаны прыехалі артысты Беларускай дзяржаўнай філармоніі – лаўрэаты і дыпламанты міжнародных і нацыянальных конкурсаў, салісты, якія прадставілі музычны спектакль для дзяцей «Крыштальны чаравічак» па матывах казкі Шарля Пяро «Папялушка». Кампазітар і аўтар лібрэта твора – Уладзімір Саўчык. Музычнае суправаджэнне спектаклю забяспечылі лаўрэаты міжнародных конкурсаў Сяргей Вайніцкі (фартэпіяна) і Наталля Змітровіч (домра).

Незвычайны спектакль падараваў шмат незвычайных эмоцый гледачам, дазволіў апынуцца ў чароўнай казцы.