Да Дня жанчын ва ўстановах культуры Пружанскага раёна прайшло шмат святочных праграм.

Велікасельскі сельскі Дом культуры запрасіў на тэматычную вечарыну “Калі не патрэбна слоў”. Падчас яе было шмат гумару і песень у выкананні вакальнай групы “Весялінка” і ўдзельнікаў гуртка сольных спеваў.

Канцэрт “Букет з песняў для цябе” і выставу твораў дэкаратыўна-прыкладнога мастацтва “Вясенняя мазаіка” прадставіў Навасёлкаўскі сельскі Дом культуры.

Шаняўскі сельскі клуб-бібліятэка прапанаваў святочны канцэрт і выставу твораў удзельнікаў гурткоў.

Песні і віншаванні гучалі таксама са сцэны Шарашоўскага цэнтра культуры і вольнага часу.

Канцэрт для жанчын адбыўся ў Варанілавіцкай сельскай бібліятэцы-клубе. Яго падрыхтавалі артысты Ружанскага цэнтра культуры і вольнага часу.

Канцэрт “У сакавіку ёсць такі дзень” прайшоў у Слабудскім сельскім Доме культуры. Разам з мясцовымі самадзейнымі артыстамі ў святочнай праграме прынялі ўдзел народны хор “Вербніца” і салісты Пружанскага гарадскога Палаца культуры.

Вялікія канцэртныя праграмы, прымеркаваныя да 8 Сакавіка, прадставілі народная арт-група “Родники” і студыя эстраднага танца “Амелі” гарадскога Палаца культуры ў Роўбіцкім і Сухопальскім сельскіх клубах-бібліятэках.