У апошнія дні лютага

Апошнія дні лютага былі насычаны разнастайнымі падзеямі ў клубных установах.

Так, Белавусаўшчынскі сельскі клуб-бібліятэка запрасіў рабят-імяніннікаў і іх сяброў на «Дзень зімовых віншаванняў».

Гульнявая праграма «З днём нараджэння» адбылася ў Ліноўскім сельскім Доме культуры. Таксама ва ўстанове прайшла інфармацыйная гадзіна да Дня роднай мовы, на якой прысутнічалі ўдзельнікі гуртка сольных спеваў «Крыштальны галасочак».

Віншаванні з Днём абаронцаў Айчыны і асабістымі юбілейнымі датамі арганізаваў Калазубскі сельскі клуб-бібліятэка.

Пачаліся выніковыя сходы ў сельскіх гаспадарках раёна. З гэтай нагоды Кляпацкі і Мокраўскі сельскія Дамы культуры правялі для аграрыяў ААТ «Жураўлінае» выдатны канцэрт.

Канцэртную праграму ў рамках выніковага сходу «Агра-Калядзічы» прапанаваў Калядзіцкі сельскі Дом культуры.

Падзяліцца навіной:

Добавить комментарий