Клубныя ўстановы і бібліятэкі не абыйшлі ўвагай знакавую дату календара – Дзень абаронцаў Айчыны і Узброеных Сіл Рэспублікі Беларусь.

Узорная кантакт-студыя «Teens-фармат» правяла ў Палацы культуры г.Пружаны пазнавальную праграму «Дзень абаронцы», у якой паўдзельнічалі вучні старэйшых класаў сярэдняй школы № 1.

Ліноўская сельская бібліятэка сумесна з мясцовай дзіцячай школай мастацтваў зладзілі гульнявую праграму «Зімовым днём, лютаўскім днём…». Рабяты не толькі паспаборнічалі ў розных конкурсах, але і паслухалі выдатныя музчыныя нумары, а таксама пазнаёміліся з кніжнай выставай «Аб войнах, арміях і палкаводцах».

Вучні 1 – 2 класаў Ліноўскай сярэдняй школы завіталі ў Ліноўскі сельскі Дом культуры, каб праявіць спрыт і кемлівасць падчас гульнявой праграмы «Мы Айчыну абаронім».

У Новазасімавіцкай сельскай бібліятэцы адбылася гульнявая гадзіна «Армейскі калейдаскоп» для шасцікласнікаў Параслянскай сярэдняй школы. Пасля вясёлых конкурсаў дзеці пазнаёміліся з тэматычнай кніжнай выставай.

Конкурс малюнка «На абароне міру і дабрыні» арганізаваў Новазасімавіцкі  сельскі Дом культуры.

Кляпацкі сельскі Дом культуры разам з сельскай бібліятэкай прапанавалі дзецям урок мужнасці «Святая справа – Радзіме служыць».

Калектывы аматарскай творчасці Кляпацкага і Мокраўскага сельскіх Дамоў культуры з нагоды 23 лютага завіталі з канцэртнай праграмай у Пружанскія электрасеткі.

Самадзейныя артысты Навасёлкаўскага сельскага Дома культуры разам з прадстаўнікамі прафсаюзнай арганізацыі гаспадаркі накіраваліся на рабочыя месцы працаўнікоў філіяла «Айчына» ААТ «Белавежскі», каб павіншаваць мужчын з Днём абаронцаў Айчыны і Узброеных Сіл Рэспублікі Беларусь.