Свята маленькіх музыкантаў

Нядаўна на струнна-смычковым аддзяленні дзяржаўнай установы адукацыі «Дзіцячая школа мастацтваў імя Р.Р.Шырмы г.Пружаны» прайшла святочная вечарына «Пасвячэнне ў юныя музыканты».

Мерапрыемства было падрыхтавана настаўнікамі і вучнямі аддзялення. Вяла праграму Вольга Мікалаеўна Гаўра, настаўнік па класу віяланчэлі.

Вечарына стала сапраўднай падзеяй для першакласнікаў, якія ўпершыню самастойна выканалі на сцэне музычныя творы, іх бацькоў і настаўнікаў. Таксама для дзяцей былі падрыхтаваны музычныя гульні і конкурсы, тэатралізаваныя замалёўкі і цікавыя гісторыі.

Завяршылася мерапрыемства ўручэннем першакласнікам дыпломаў вучняў дзіцячай школы мастацтваў.

Падзяліцца навіной:

Добавить комментарий