Шмат прыгожых і шчырых віншаванняў падрыхтавалі работнікі Пружанскага раённага цэнтра культуры да свята абаронцаў Айчыны.

Удзельнікі калектываў аматарскай творчасці філіяла «Шарашоўскі цэнтр культуры і вольнага часу» сумесна з пярвічнай арганізацыяй сельсавета грамадскага аб’яднання «Беларускі саюз жанчын» наведалі з канцэртнай праграмай і падарункамі пагранічную заставу  № 2 «Перароў».

У філіяле «Сухопальскі сельскі клуб-бібліятэка» адбыўся святочны канцэрт «23+8», падчас якога павіншавалі мужчын і жанчын.

Вечарыну адпачынку «Усім абаронцы патрэбны» разам з удзельнікамі аматарскага аб’яднання «Натхненне» правёў філіял «Мураўскі сельскі Дом культуры». На сустрэчу завіталі маладыя людзі, якія нядаўна прайшлі тэрміновую службу ў арміі. Да мерапрыемства была падрыхтавана выстава ваеннай формы «Хто служыў, той форму  заслужыў.

Работнікі філіяла «Ружанскі цэнтр культуры і вольнага часу» прынялі ўдзел у правядзенні спартыўнага свята ў мясцовай сярэдняй школе для працаўнікоў-мужчын ААТ «Ружаны-Агра».

Філіял «Хараўскі сельскі клуб-бібліятэка» павіншаваў мужчын  аграгарадка са святам, а для дзяцей зладзіў майстар-клас «Паштоўка для таты».

Вечарыну-віншаванне «Армейскі медагляд» для мужчын, якія працуюць у ААТ «Роўбіцкае», зладзіў філіял «Роўбіцкі сельскі клуб-бібліятэка».

Індывідуальнымі творчымі падарункамі парадаваў былых ваеннаслужачых філіял «Слабудскі сельскі Дом культуры».

На працоўныя месцы і ў сем’і жыхароў аграгарадка наведаўся з міні-канцэртамі творчы калектыў філіяла «Велікасельскі сельскі Дом культуры».

Віншаванні для пажылых жыхароў маланаселеных вёсак Асятніца, Наскі і Залессе арганізаваў аўтаклуб Пружанскага раённага цэнтра культуры.