Новы год і Каляды – незвычайныя чароўныя святы, якіх чакаюць дзеці і дарослыя. Клубныя ўстановы ў гэты час прапануюць розным катэгорыям наведвальнікаў прыгожыя праграмы, якія ствараюць сапраўдную атмасферу ўрачыстасці і казкі.

Так, Велікасельскі сельскі Дом культуры запрасіў мясцовых рабят на свята «Навагодні карагод».

Шматлікія юныя госці завіталі ў Кляпацкі сельскі Дом культуры, каб разам з чароўнымі героямі апынуцца ў навагодняй казцы.

Ранішнік «Чароўны Новы год» і тэатралізаванае прадстаўленне «Навагодні калейдаскоп» зладзілі Калазубскі сельскі клуб-бібліятэка і Варанілавіцкая сярэдняя школа.

Ліноўскі сельскі Дом культуры запрасіў дзяцей аграгарадка і в.Аранчыцы на навагоднюю праграму «Прыгоды ў казачным каралеўстве».

Яркае тэатралізаване прадстаўленне для дзяцей «Неяк пад Новы год» адбылося ў Мураўскім сельскім Доме культуры.

Крэатыўную праграму «Навагоднія прыгоды» прапанаваў хлопчыкам і дзяўчынкам Новазасімавіцкі сельскі Дом культуры.

У Старавольскім сельскім клубе-бібліятэцы адбыўся навагодні канцэрт «Блакітны аганёк» з удзелам мясцовых артыстаў-аматараў.

З Новым годам і Калядамі Калядзіцкі сельскі Дом культуры павіншаваў на рабочых месцах працаўнікоў мясцовай гаспадаркі.