На мінулым тыдні ў дзяржаўнай установе адукацыі «Дзіцячая школа мастацтваў ім.Р.Р.Шырмы г.Пружаны» адбыўся раённы семінар-практыкум «Харавы тэатр: ад простага да скаладанага». У ім прынялі ўдзел кіраўнікі ўстаноў адукацыі ў сферы культуры і настаўнікі харавых спеваў.

Семінар падрыхтавалі педагогі харавога аддзялення ўстановы адукацыі Ірына Анатольеўна Буланькова і Кацярына Уладзіміраўна Гуга. Яны падзяліліся вопытам работы па фарміраванні вакальна-харавых навыкаў вучняў з выкарыстаннем псіхафізіялагічных і маторна-рухаючых элементаў. Таксама настаўнікі прадэманстравалі работу над музычнымі творамі з прымяненнем элементаў тэатралізацыі ў рэпертуары ўзорнага хору «Вітанак» (кір. І.А.Буланькова) і фальклорнага ансамблю «Паўлінка» (кір. К.У.Гуга).

Завяршылася сустрэча канцэртнай праграмай калектываў харавога аддзялення ўстановы адукацыі і абмеркаваннем актуальных пытанняў.