17 студзеня ў Палацы культуры адбыўся Калядны інтэлектуальны квіз «Родны край пружанскі», прысвечаны 85-годдзю раёна. У гульні ўдзельнічалі 10 калектываў: каманды 5 гарадскіх школ, а таксама Мокраўскай, Параслянской, Мураўскай, Слабадской і Кляпацкай сярэдніх школ.

Квіз складаўся з некалькіх тураў, у якіх неабходна было праявіць веданне роднага краю: пазнаць мясціны горада на старых фотаздымках, суаднесці даты з падзеямі, пазнаць вядомых землякоў і інш.

У выніку інтэлектуальнага спаборніцтва трэцяе месца дасталося камандзе «Бона Сфорца» (сярэдняя школа № 3), другое – «Бліцкрыг» (сярэдняя школа № 5), першае месца ў напружанай барацьбе заваявала каманда «Аптымісты» (Мураўская сярэдняя школа). Усе ўдзельнікі гульні былі адзначаны граматамі, а пераможцы – яшчэ і прызамі.

Калядны квіз быў падрыхтаваны ўзорнай кантакт-студыяй тэатралізавана-інтэлектуальнай гульні «Teens-фармат» (кіраўнік Анастасія Ціхановіч) Пружанскага раённага цэнтра культуры.