У канцы лютага 2023 года ў Палацы культуры Мінскага аўтазавода адбыўся IV Міжнародны дыстанцыйны шматжанравы конкурс сучаснай творчасці «Акцэнты».

Конкурс праводзіцца дзеля развіцця дзіцячай, юнацкай і маладзёжнай творчасці, азнаямлення педагогаў і вучняў з новымі тэндэнцыямі і накірункамі ў мастацтве, узбагачэння рэпертуару сольных выканаўцаў і калектываў.

У гэтым конкурсе прынялі ўдзел вучні Ліноўскай дзіцячай школы мастацтваў. Ансамбль «Радужные нотки» стаў Лаўрэатам ІІІ ступені ў намінацыі «Інструментальнае выканальніцкае мастацтва (ансамблі)» ва ўзроставай катэгорыі 11 – 15 гадоў. Да паспяховага выступлення дзіцячы творчы калектыў з Лінова падрыхтавалі настаўнік М.У.Пстыга і канцэртмайстар Г.І.Малясава.