Шматлюдна было на восеньскіх канікулах і ў музеі-сядзібе “Пружанскі палацык”. Наведвальнікі гэтай установы культуры пазнаёміліся з усімі выставачнымі і экспазіцыйнымі заламі, з гісторыяй і культурай роднага краю.

У перыяд восеньскіх канікул у дзіцячым пакоі “Тэрыторыя твайго дзяцінства”, які працуе ў Пружанскім гарадскім Палацы культуры, як звычайна, было шмат наведвальнікаў.

Як заўжды, шмат мерапрыемстваў для дзяцей прапанавала на канікулах Ліноўская сельская бібліятэка. Для першакласнікаў прайшло літаратурнае свята “Наш Маршак”. Хлопчыкі і дзяўчынкі пазнаёміліся з творчасцю дзіцячага пісьменніка Самуіла Маршака, паслухалі яго вершы і казкі, адаказалі на пытанні віктарыны, пагулялі. Напрыканцы мерапрыемства рабятам быў прапанаваны агляд кніжнай паліцы “Пра ўсё на свеце” з кнігамі аўтара.

Канікулы – гэта час, калі можна адпачыць, заняцца здароўем, інтэлектуальным развіццём і грамадска-карыснымі справамі.

Падчас восеньскіх канікул у Шаняўскім сельскім клубе-бібліятэцы прайшла дзіцячая гадзіна “Якуб Колас – пясняр Беларусі”. Хлопчыкі і дзяўчынкі пазнаёміліся з жыццёвым і творчым шляхам класіка беларускай літаратуры, а таксама ўбачылі мастацкія работы, у якіх адлюстравана асоба Народнага паэта.

Шэраг бібліятэк падчас восеньскіх канікул засяродзілісваю ўвагу на правядзенні мерапрыемстваў, прымеркаваных да 140-годдзя з дня нараджэння Якуба Коласа.

У Белавусаўшчынскім сельскім клубе-бібліятэцы падчас восеньскіх канікул для рабят прайшла размова “Береги платье снову, а здоровье смолоду» і віктарына па казках “Для ўважлівых і начытаных”.

Ліноўскі сельскі Дом культуры пачаў школьныя канікулы гульнявой праграмай “Восеньскі калейдаскоп”.

Першая чвэрць у Новазасімавіцкай дзіцячай школе мастацтваў завяршылася сапраўдным святам. 14 першакласнікаў школы, якія пачалі навучанне на розных спецыяльнасцях, упершыню выступілі перад сваімі бацькамі, бабулямі і дзядулямі. Аднак, гэта быў не класічны канцэрт, таму што гасцям былі прадэманстраваны фрагменты ўрока сальфеджыа – прадмета, такога незразумелага для многіх.

Восень усё больш гаспадарыць на зямлі. Амаль сабраны ўраджай, ападае лісце, а лес радуе сваімі дарамі. Неабходна паспець зрабіць шмат спраў. А для школьнікаў ужо пачаліся восеньскія канікулы.

Напярэдадні выхадных у Шарашоўскай дзіцячай школе мастацтваў адбылося свята “Пасвячэнне ў музыканты”.

28 кастрычніка ў музеі-сядзібе “Пружанскі палацык” адбылася знакавая падзея. Фонды музея папоўніліся ўнікальным экспанатам – пячаткай Пружанскага павятовага прадвадзіцеля другой паловы ХІХ ст. Хутчэй за ўсё, рэч належала ўладальніку гарадской сядзібы Валенцію Швыкоўскаму, які пэўны час займаў гэту пасаду. Дарэчы, гэта пакуль адзіны прадмет у музеі, непасрэдна звязаны з асобай стваральніка “палацыка”.