20 лютага ў Брэсце адбылося пасяджэнне калегіі ўпраўлення культуры аблвыканкама з разглядам пытання “Аб выніках работы за 2024 год і задачах на 2025 год”. Асноўным дакладчыкам па ўзгаданым пытанні выступіў начальнік упраўлення культуры С.Б.Панасюк.

У мерапрыемстве прынялі ўдзел В.Л.Ратабыльская, начальнік аддзела міжнароднага супрацоўніцтва і інфармацыйнага забеспячэння Міністэрства культуры Рэспублікі Беларусь, і Т.С.Кажанава, старшыня Брэсцкай абласной арганізацыі Беларускага прафсаюза работнікаў культуры, інфармацыі, спорту і турызму.

Удзельнікі калегіі, сярод якіх была дэлегацыя работнікаў сферы культуры Пружанскага раёна, таксама наведалі з экскурсіяй Брэсцкую абласную бібліятэку імя М.Горкага і Брэсцкі абласны краязнаўчы музей, паглядзелі спектакль “Трыбунал” у Брэсцкім акадэмічным тэатры драмы.