Падведзены вынікі III Міжнароднага Інтэрнет-конкурсу мастацтваў «Ключ к таланту», які праходзіў у г.Ліда.

У конкурсе паспяхова выступілі вучні Новазасімавіцкай дзіцячай школы мастацтваў.

У намінацыі «інструментальнае выканальніцтва» званні лаўрэатаў атрымалі вучаніцы па класу фартэпіяна Александра Чега (Лаўрэат I ступені) і  Ганна Валюшка (Лаўрэат III ступені), настаўнік Таццяна Пятроўна Яўстраценка.

Дыпламантамі I ступені сталі Дар’я Кот (скрыпка) (настаўнік Дзіна Алегаўна Сідарава, канцэртмайстар Таццяна Іванаўна Камянюк) і Вольга Пухнарэвіч (эстрадныя спевы) (настаўнік Юлія Юр’еўна Макаранка).

Дыпламанты II ступені – Жасмін Гумінская (цымбалы) (настаўнік Ірына Леанідаўна Гуц, канцэртмайстар Т.І.Камянюк) і Мілана Астроўская (эстрадныя спевы) (настаўнік Ю.Ю.Макаранка).

У намінацыі «Хоры» Дыпломам II ступені ўзнагароджаны хор малодшых класаў «Канфеці», а дыпломам за ўдзел – хор старэйшых класаў «Галасы дзяцінства» (кіраўнік Ю.Ю.Макаранка, канцэртмайстры Т.І.Камянюк, Лілія Мікалаеўна Філімовіч).

Настаўнікі, якія падрыхтавалі рабят да конкурсу, узнагароджаны дыпломамі за высокае педагагічнае майстэрства.

Віншуем усіх удзельнікаў, настаўнікаў, канцэртмайстраў і жадаем далейшых творчых поспехаў!