Традыцыйна напярэдадні Новага года дзіцячая школа мастацтваў імя Р.Р.Шырмы г.Пружаны правяла справаздачны канцэрт у гарадскім Палацы культуры.

20 снежня ўстанова адукацыі падрыхтавала вялікую канцэртную тэатралізаваную праграму “Чараўніцтва навагодніх цацак”.

Як звычайна, у зале не было свабодных месцаў. Гледачы ўбачылі выдатныя нумары ў выкананні салістаў і ансамбляў.

Свае творчыя падарункі ўсім прысутным прадставілі вучні ўсіх аддзяленняў, а таксама творчыя калектывы – узорны баянны аркестр “Імпрэс” (кір. В.Захаркіў), узорны аркестр народных інструментаў “Скамарошына” (кір. Л.Кавалевіч), узорны хор “Вітанак” і народны камерны хор (кір. І.Буланькова), народны аркестр народных інструментаў (кір. Ж.Вахновіч), фальклорны ансамбль “Паўлінка” (кір. К.Гуга), хор першакласнікаў “Карамелькі” (кіраўнік А.Лявоненка), хор малодшых класаў “Вясёлка” (кіраўнік К.Кукса), ансамбль скрыпачоў старэйшых класаў “Кантабіле” (кір. Ю.Сядова) і інш.

Незвычайная атмасфера свята прыгажосці і мастацтва, якая панавала ў канцэртнай зале на працягу вечарыны, аставіла незвычайныя і ўзнёслыя эмоцыі ва ўсіх, хто завітаў у Палац культуры, каб пачуць і ўбачыць выдатную навагоднюю праграму ў выкананні вучняў і педагогаў дзіцячай школы мастацтваў імя Р.Р.Шырмы г.Пружаны.