Вучні малодшых класаў Шарашоўскай дзіцячай школы мастацтваў на мінулым тыдні завіталі да выхаванцаў пасялковага дзіцячага садка.

Школьнікі падрыхтавалі для маленькіх гледачоў канцэртныя нумары. Яны выканалі музычныя творы на баяне і фартэпіяна, а таксама праспявалі некальні песень.

Дзеткі з вялікім захапленнем паглядзелі канцэрт, паразмаўлялі з юнымі музыкантамі і іх педагогамі. Спадзяемся, што сярод удзельнікаў мерапрыемства з’явіліся тыя, хто ў будучым стануць вучнямі Шарашоўскай дзіцячай школы мастацтваў.