Да Міжнароднага дня роднай мовы, які адзначаўся ва ўсім свеце 21 лютага, клубныя ўстановы і бібліятэкі прапанавалі сваім наведвальнікам – дарослым і дзецям – шэраг цікавых мерапрыемстваў.

Так, у Палацы культуры г.Пружаны адбыўся інтэлектуальна-пазнавальны батл “Моладзь мовіць”, які падрыхтавала ўзорная студыя “Teens-фармат”. У ім за права звацца лепшымі знаўцамі беларускай мовы паспаборнічалі каманды сярэдніх школ № 1 і № 5, а таксама гімназіі.

Роўбіцкі сельскі клуб-бібліятэка запрасіў сталых чытачоў на пазнавальную віктарыну “Родная мова”.

Інфармацыйная гадзіна “Пагавары са мной на роднай мове” адбылася для дарослых у Хараўскім сельскім клубе-бібліятэцы.

Кляпацкая сельская бібліятэка сумесна з сельскім Домам культуры прапанавалі школьнікам гульню “Гучы, роднае слова”.

Пазнавальны турнір для рабят “Родная мова – зараначка матчына” падрыхтаваў Мураўскі сельскі Дом культуры разам з сельскай бібліятэкай.

Для юных чытачоў Мокраўскай сельскай бібліятэкі прайшла інтэлектуальная гульня “Цеплыня беларускага слова ў звычайных рэчах”.

Слабудская сельская бібліятэка зладзіла для дашкольнікаў літаратурную гадзіну “Родная мова”, падчас якой дзеці пачалі знаёмства з роднай мовай і літаратурай.

Гульню-віктарыну “Цікавосткі роднай мовы” арганізавала для хлопчыкаў і дзяўчынак Шарашоўская гарпасялковая бібліятэка.