Да Дня Канстытуцыі Рэспублікі Беларусь бібліятэкі раёна прапанавалі чытачам розныя мерапрыемствы.

У Пружанскай цэнтральнай раённай бібліятэцы імя М.Засіма у рамках рэалізацыі праграмы «Школа прававой культуры» для вучняў розных груп аграрна-тэхнічнага каледжа адбыліся гульні «Дух і літара закона» і «Галоўны закон нашай краіны».

Калядзіцкая сельская бібліятэка запрасіла дашкольнікаў на гадзіну інфармацыі «Асноўны Закон краіны», на якой юныя чытачы даведаліся аб Канстытуцыі.

Першакласнікі наведалі Навасёлкаўскую сельскую бібліятэку, дзе прайшла тэматычная гадзіна «Дзецям – аб Канстытуцыі».

Слабудская сельская бібліятэка падрыхтавала для старшакласнікаў мерапрыемства «Прававая азбука».

На прававую віктарыну «Знаўцы Канстытуцыі» вучняў 10 класа мясцовай сярэдняй школы запрасіла Шарашоўская гарпасялковая бібліятэка.