У выхадныя дні філіялы цэнтралізаванай бібліятэчнай сістэмы правялі мерапрыемствы да Дня Канстытуцыі Рэспублікі Беларусь і Дня праваслаўнай кнігі.

У Пружанскай гарадской бібліятэцы адбылася прававая гульня «Знаўцы Канстытуцыі» для старшакласнікаў.

Прававую гульню «Ахоўвае. Рэгулюе. Абараняе» для падлеткаў прапанавала Ліноўская сельская бібліятэка. Таксама сельская бібліятэка сумесна з настаяцелем храма Узвіжання Крыжа Гасподняга в.Аранчыцы А.Мялешкам прапанавала літаратурна-духоўную вечарыну «Жывая крыніца праваслаўнай кнігі» з аглядам твораў духоўнага зместу.

Да Дня праваслаўнай кнігі Пружанская цэнтральная раённая бібліятэка імя М.Засіма падрыхтавала літаратурна-духоўную вечарыну «Боская мудрасць духоўных кніг». Прысутныя пазнаёміліся з творамі А.Ткачова, С.Адоніна, Н.Ячэіставай, С.Пылёва. У мерапрыемстве прыняў удзел благачынн цэркваў Пружанскай акругі М.Носка і хор храма святога благавернага князя Аляксандра Неўскага.

У Дзень праваслаўнай кнігі ў Ружанскай гарпасялковай бібліятэцы прайшла гадзіна духоўнасці «Незвычайны старац ХХ стагоддзя», прысвечаная святару Іаану Красцьянкіну. У размове з чытачамі паўдзельнічаў настаяцель храма святых апосталаў Пятра і Паўла А.Сень.