Напярэдадні Дня жанчын у Палацы культуры г.Пружаны адбыўся святочны канцэрт. У ім прынялі ўдзел спявак Андрэй Коласаў і народны ВІА «Ягадка-малінка» з салісткай Ірынай Іршонак. Вядомыя народныя і эстрадныя песні ў выкананні мінскіх артыстаў падаравалі па-сапраўднаму святочны настрой шматлікім гледачам, якія прысутнічалі ў вялікай канцэртнай зале.
Святочны падарунак да Дня абаронцаў Айчыны і Узброеных Сіл Рэспублікі Беларусь і Дня жанчын падрыхтавалі дзяржаўная ўстанова адукацыі “Шарашоўская дзіцячая школа мастацтваў” і філіял “Шарашоўская гарпасялковая бібліятэка” дзяржаўнай установы культуры “Пружанская централізаваная бібліятэчная сістэма”.
Узорная кантакт-студыя тэатралізавана-інтэлектуальнай гульні “Teens-фармат” Пружанскага раённага цэнтра культуры правяла ў Палацы культуры інфармацыйную праграму “Наркотыкі – шлях у нікуды”, прысвечаную Міжнароднаму дню барацьбы з наркаманіяй. Вядучыя Дар’я Карпыза і Ксенія Дыдышка расказалі аб шкодзе і наступствах ужывання наркотыкаў, а Ксенія Бушук і Валерыя Ляончык правялі пазнавальную гульню. Каманды вучняў паказалі сваё веданне Крымінальнага кодэксу Рэспублікі Беларусь, асноў медыцынскай дапамогі, прайшлі прафілактычны тэст аб шкодных звычках. Па выніках гульні першае месца заняла каманда сярэдняй школы №1, другое – сярэдняй школы №5, трэцяе – гімназіі. Завяршылася мерапрыемства раздачай прафілактычных лістовак на вуліцах горада.
У першы вясновы тыдзень бібліятэкі засяродзілі ўвагу на розных знакавых падзеях і датах.
У першы дзень вясны Ліноўскі сельскі Дом культуры зладзіў народныя гулянні «Шчодрая Масленіца». Удзельнікаў свята чакалі гульні і конкурсы для дзяцей і дарослых, традыцыйныя бліны, яркія выступленні творчых калектываў, танцы, песні і вясёлы настрой!
3 сакавіка для вучняў малодшых класаў мясцовай сярэдняй школы Шарашоўская дзіцячая школа мастацтваў разам з гарпасялковай бібліятэкай падрыхтавалі конкурсна-гульнявую праграму “Мартофлёр”. Яна была прысвечана Дню абаронцаў Айчыны і Узброеных Сіл Рэспублікі Беларусь і Дню жанчын.
Масленіца – адно з самых вясёлых і чаканых свят, якое сімвалізуе провады зімы і адраджэнне прыроды.
З 21 па 27 лютага Беларускай праваслаўнай царквой быў запланаваны шэраг мерапрыемстваў, прымеркаваных да Дня праваслаўнай кнігі. Для Беларусі ў гэтым годзе святкаванне прысвечана знакамітым датам – 500-годдзю выдання “Апостала” Францыскам Скарынам, 900-годдзю заснавання Спаса-Ефрасіннеўскага жаночага манастыра ў Полацку, 800-годдзю заснавання Свята-Елісееўскага Лаўрышаўскага мужчынскага манастыра і 555-годдзю выяўлення Жыровіцкай іконы Божай Маці.
У першы дзень вясны на некалькіх аддзяленнях дзяржаўнай установы адукацыі «Дзіцячая школа мастацтваў імя Р.Р.Шырмы г.Пружаны» прайшлі мерапрыемствы ў гонар першакласнікаў – юных музыкантаў.
2 сакавіка на гарадской плошчы адбылося народнае свята Масленіца. Масавае мерапрыемства, падрыхтаванае Пружанскім раённым цэнтрам культуры, было насычана рознымі гульнямі, танцамі, песнямі, тэатралізаванымі пастаноўкамі.
У апошні дзень зімы ў Палацы культуры г.Пружаны адбыўся канцэрт Нацыянальнага акадэмічнага народнага аркестра імя І.Жыновіча пад кіраўніцтвам заслужанага артыста Рэспублікі Беларусь Аляксандра Крэмко. Выдатны творчы калектыў прадставіў пружанскаму гледачу праграму «Эти глаза напротив. Валерий Ободзинский и Валентина Толкунова: Параллели творчества». Вядомыя шлягеры знакамітых савецкіх артыстаў выканалі салісты аркестра Ігар Задарожны і Анастасія Рачыцкая.
