Бібліятэкі Пружанскага раёна запрашаюць далучыцца да кніжнай спадчыны і розных цікавых падзей.

Так, любы наведвальнік Пружанскай цэнтральнай раённай бібліятэкі імя М.Засіма да 10 сакавіка можа наведаць выставу вышытых карцін Марыі Тарасевіч. Урачыстая прэзентацыя выставы адбылася ў бібліятэцы 21 лютага. Дзіцяча-юнацкі аддзел прапануе юным чытачам пазнаёміцца з творчасцю літаратара Кацярыны Хадасевіч-Лісавой на выставе «Казкі кніжнай феі».

Нядаўна ў цэнтральнай раённай бібліятэцы для вучняў сярэдняй школы № 3 прайшла конкурсная праграма «Шукальнікі шчасця», а вучні аграрна-тэхнічнага каледжа наведалі пазнавальную гадзіну «У імя міру», прысвечаную творчасці беларускага кінарэжысёра Міхаіла Пташука.

Выхаванцы мясцовага дзіцячага сада наведалі з экскурсіяй Калядзіцкую сельскую бібліятэку, падчас якой даведаліся аб яе рабоце.

У Магілявецкай сельскай бібліятэцы прайшла гадзіна «Звонкае і роднае слова». Школьнікі ўзгадалі кнігі беларускіх аўтараў і пачыталі вершы М.Танка, А.Пысіна, П.Броўкі і інш.

Гутарка са святаром «Духоўныя кнігі – кнігі аб галоўным» адбылася ў Кляпацкай сельскай бібліятэцы. Да сустрэчы была падрыхтавана выстава «Духоўны ачаг».

На гульнявую праграму «Весёлае падарожжа» запрасіла рабят Ружанская гарпасялковая бібліятэка, а для дарослых чытачоў яна зладзіла свята духоўнай кнігі «Памяці Юліі Вазнясенскай» і падрыхтавала выставу твораў аўтара.