Штогод 15 сакавіка адзначаецца Дзень Канстытуцыі Рэспублікі Беларусь – дзяржаўнае свята. Філіялы Пружанскага раённага цэнтра культуры правялі да гэтай знакавай падзеі шэраг мерапрыемстваў.

Так, Слабудскі сельскі Дом культуры запрасіў на дзіцячую гадзіну  «Радзіма мая», падчас якой засяродзіў увагу на дзяржаўнай сімволіцы, каштоўнасцях краіны, правах і абавязках грамадзян.

Размова з дзецьмі, прысвечаная знаёмству з Канстытуцыяй, адбылася таксама ў Старавольскім сельскім клубе-бібліятэцы.

З хлопчыкамі і дзяўчынкамі, якія завіталі ў Шарашоўскі цэнтр культуры і вольнага часу, прайшла гутарка «Я – грамадзянін Рэспублікі Беларусь».

Кляпацкі сельскі Дом культуры разам з сельскай бібліятэкай прапанавалі падлеткам прававую гульню «Знаўцы Канстытуцыі».

Гутарку «Закон нашага жыцця» падтрымалі юнакі і дзяўчаты – наведвальнікі Калядзіцкага сельскага Дома культуры.

Удзел у гутарцы, прымеркаванай да дзяржаўнага свята, прынялі рабяты ў Ліноўскім сельскім Доме культуры. Яны абмеркавалі правы і абавязкі грамадзян.

Размова «Свет права. Канстытуцыя Рэспублікі Беларусь» прайшла ў Калазубскім сельскім клубе-бібліятэцы.

У Новазасімавіцкім сельскім Доме культуры адбылася прававая віктарына.

Дыялогавая пляцоўка «Белая Русь» – апора Прэзідэнта» са старшынёй Сухопальскага сельвыканкама І.І.Кузьміч і ўдзельнікамі аматарскага аб’яднання «Натхненне» прайшла ў Мураўскім сельскім Доме культуры. Яны абмеркавалі накірункі дзейнасці грамадскага аб’яднання, асновы Канстытуцыі.

Хараўскі сельскі клуб-бібліятэка прапанаваў інфармацыйную гадзіну «Я – грамадзяні Рэспублікі Беларусь», агляд тэматычнай літаратуры і прававую віктарыну.