На мінулым тыдні Пружанскі гарадскі Палац культуры зладзіў некалькі цікавых мерапрыемстваў для моладзі.

На ўнутранай пляцоўцы ўстановы адбыліся цімбілдзінгі. Спачатку на сумесную гульню былі запрошаны каманды вучняў аграрна-тэхнічнага каледжа. Рабяты спаборнічалі ў спрытнасці, кемлівасці і сіле. Такая арганізацыя вольнага часу вельмі спадабалася ўдзельнікам мерапрыемства, і яны выказалі пажаданне ізноў наведаць яго.

Падобная сустрэча таксама была зладжана для юнакоў і дзяўчат, якія аб’ядналіся ў каманды ўзорнага клуба «Teens-фармат» і Цэнтра творчасці дзяцей і моладзі. Спаборніцтвы паміж імі прайшлі ў сяброўскай атмасферы, але ж перамога дасталася «Teens-фармату».

Калі і вы жадаеце весела і цікава правясці свой вольны час, знайсці сяброў і аднадумцаў, прыходзьце ў Палац культуры! Сачыце за афішамі!