16 жніўня ў Клепачах (Мокраўскі сельсавет) прайшлі “Дажынкі” і свята аграгарадка “З любоўю да людзей і зямлі”.

Гэты дзень стаў для мясцовых жыхароў па-сапраўднаму запамінальным. Ён сабраў шмат ўдзельнікаў, якія з задавальненнем далучыліся да разнастайных мерапрыемстваў.

Свята населенага пункта – гэта повад выказаць словы падзякі ўсім, хто працуе ў сяле, працягвае яго адраджаць і развіваць, захоўвае традыцыі, ушанаваць ветэранаў і нераўнадушных людзей.

Падчас урачыстай часткі мерапрыемства былі адзначаны самыя маленькія жыхары, першакласнікі, маладыя і сталыя сем’і, выдатныя працаўнікі, добрыя гаспадары і актыўныя грамадзяне.

Вясёлы настрой, выдатныя эмоцыі, танцы, песні, вершы, віншаванні, атракцыёны суправаджалі мерапрыемства.

Займальную, разнастайную, прыгожую канцэртную праграму падаравалі гледачам таленавітыя артысты Кляпацкага і Мокраўскага сельскіх Дамоў культуры, а ў вячэрняй праграме выступілі вакальна-харэаграфічны казачы ансамбль “Бацька атаман”, тэатр цыганскай песні і танца “Жамчугі”, беларускі спавак Мікіта Фаміных. Свята завяршылі дыскатэка пад адкрытам небам і салют.

Выдатнае мерапрыемства ў Клепачах аставіла незабыўныя ўражанні ва ўсіх, хто да яго далучыўся.