Па добрай традыцыі напярэдадні Дня Перамогі дзіцячая школа мастацтваў імя Р.Р.Шырмы г.Пружаны рыхтуе канцэртную праграму, якую прадстаўляе жыхарам горада на пляцоўцы каля ўстановы адукацыі.

Не стаў выключэннем і гэты год. Тым больш, што ў сёлета адзначаўся знакавы юбілей – 80-я гадавіна Перамогі савецкага народа ў Вялікай Айчыннай вайне.

Педагогі і вучні прэзентавалі шматлікім гледачам, якія сабраліся ў двары школы мастацтваў, разнастайную канцэртную праграму пад назвай  «Поклонимся великим тем годам…». У ёй прынялі ўдзел усе творчыя калектывы ўстановы і салісты, мастацкае аддзяленне зладзіла тэматычную выставу творчых работ.

Канцэрт дзіцячай школы мастацтваў стаў выдатным падарункам гараджанам да Дня Перамогі.