Узорная кантакт-студыя тэатралізавана-інтэлектуальнай гульні “Teens-фармат” Пружанскага раённага цэнтра культуры правяла ў Палацы культуры інфармацыйную праграму “Наркотыкі – шлях у нікуды”, прысвечаную Міжнароднаму дню барацьбы з наркаманіяй. Вядучыя Дар’я Карпыза і Ксенія Дыдышка расказалі аб шкодзе і наступствах ужывання наркотыкаў, а Ксенія Бушук і Валерыя Ляончык правялі пазнавальную гульню. Каманды вучняў паказалі сваё веданне Крымінальнага кодэксу Рэспублікі Беларусь, асноў медыцынскай дапамогі, прайшлі прафілактычны тэст аб шкодных звычках. Па выніках гульні першае месца заняла каманда сярэдняй школы №1, другое – сярэдняй школы №5, трэцяе – гімназіі. Завяршылася мерапрыемства раздачай прафілактычных лістовак на вуліцах горада.

Прафілактычная гутарка “Як не стаць ахвярай кіберзлачынцаў” з удзелам старшыні сельвыканкама І.І.Кузьміч прайшла ў Сухопальскім сельскім клубе-бібліятэцы.

Старавольскі сельскі клуб-бібліятэка запрасіў рабят на пазнавальную віктарыну “Аб усім на свеце”, а Шарашоўскі цэнтр культуры і вольнага часу правёў дзіцячую гадзіну “Разам з сябрамі”.