Узорны аркестр народных інструментаў «Скамарошына»
дзяржаўнай установы адукацыі
«Дзіцячая школа мастацтваў імя Р.Р.Шырмы г.Пружаны»

Кіраўнік — Кавалевіч Людміла Аляксандраўна
Год стварэння — 1974
Год прысваення звання – 1992

Калектыў створаны на аснове струнна-народнага і народнага аддзяленняў музычнай школы як аркестр рускіх народных інструментаў. У 1992 г. яму было прысвоена ганаровае званне «Узорны». Першы кіраўнік аркестра – Іраіда Вітальеўна Багамолава.

З 2007 г. ўзорны аркестр узначальвае Л.А.Кавалевіч, настаўнік па класу домры.

Рэпертуар аркестра пастаянна пашыраецца – выконваюцца творы беларускіх кампазітараў і замежных аўтараў.

Аркестр з’яўляецца ўдзельнікам гарадскіх канцэртаў і мерапрыемстваў, выступае з сольнымі праграмамі ў агульнаадукацыйных школах, школах мастацтваў, установах культуры раёна. Калектыў – пастаянны ўдзельнік справаздачных канцэртаў дзіцячай школы мастацтваў г.Пружаны.

Майстэрства ўзорнага аркестра народных інструментаў «Скамарошына» калектыва адзначана:

— дыпломамі II-й ступені абласнога конкурса «Аркестравы калейдаскоп» і рэгіянальнага свята-конкурса «Музычны калейдаскоп» у 2018 г.;
— дыпломам I-й ступені Міжнароднага свята-конкурса «Музычны калейдаскоп» у 2019 г.;
— дыпломам лаурэата III-й ступені V-га Міжнароднага фестываля мастацтваў «#BYFEST» у 2020 г.;
— дыпломам лаурэата I-й ступені III-га Міжнароднага музычнага конкурса сучаснай творчасці «Рождественский звон» у 2021 г.