На мінулым тыдні ва ўстановах культуры Пружаншчыны працягваліся мерапрыемствы з нагоды святкавання 130-годдзя з дня нараджэння Р.Р.Шырмы. Напрыклад, літаратурна-музычную імпрэзу “Духоўны арыенцір беларусаў” да юбілею вядомага земляка правялі ў цэнтральнай раённай бібліятэцы імя М.Засіма. На вечарыне прагучалі малавядомыя факты з жыцця Шырмы, вершы, песні ў выкананні В.Красько і хору храма святога благавернага князя Аляксандра Неўскага (падрабязней тут). А ў Навасёлкаўскім сельскім Доме культуры адбылася дзіцячая фальклорная гадзіна з цыклу “Славутыя землякі”. У этнаграфічным кутку ўстановы рабяты не толькі даведаліся аб жыцці і творчасці нашага вядомага ўраджэнца, але і разам паспявалі беларускія песні.

27 снежня адзначалася памятная, шчаслівая і адначасова вельмі гаротная дата – Дзень заканчэння блакады Ленінграда.

У памяць аб усіх ахвярах – загінуўшых абаронцах горада і мірных жыхарах, памерлых ад голаду и хвароб, – у дзіцячай школе мастацтваў імя Р.Р.Шырмы быў праведзены адкрыты урок па музычнай літаратуры на тэму «Д.Д.Шостакович. Седьмая симфония. Тема война в творчестве композитора» ў сёмым класе.

28 студзеня ў гарадскім Палацы культуры адбылося пасяджэнне, на якім былі разгледжаны вынікі работы за 2021 год аддзела культуры Пружанскага райвыканкама і ўстаноў, падначаленых яму.

27 – 28 студзеня 2022 года ў Брэсцкім аблвыканкаме адбыўся семінар для спецыялістаў у галіне этнаканфесійных адносін. Падчас сустрэчы былі абмеркаваны пытанні рэалізацыі нацыянальнай і рэлігійнай палітыкі ў Рэспубліцы Беларусь і Брэсцкай вобласці, а таксама асноўныя накірункі працы спецыялістаў, якія курыруюць дадзены напрамак работы.

Адным з вялікіх свят хрысціянскага календара з’яўляецца Хрышчэнне Гасподне. Менавіта да гэтай даты Шарашоўскі цэнтр культуры і вольнага часу прымеркаваў праграму «Раз в крещенский вечерок». Работнікі ўстановы, якія выступілі ў якасці Гаспадыні і Унучкі, пазнаёмілі ўдзельнікаў мерапрыемства з традыцыямі і звычаямі гэтага свята, прапанавалі паўдзельнічаць у некаторых элементах яго абраднасці. Не застаўся па-за ўвагай шарашоўцаў і 70-гадовы юбілей мясцовай жыхаркі В.У.Аўгусціновіч, да якой разам з роднымі завіталі з добрымі словамі і шчырымі пажаданнямі работнікі культуры.

У мінулыя выхадныя ў дыскатэчнай зале Пружанскага гарадскога Палаца культуры адбылася дзелавая гульня «Бізнес-квэст» для падлеткаў, арганізаваная ўзорным клубам «Teens-фармат». У ёй прынялі ўдзел каманды з сярэдніх школ № 3 і № 5, а таксама гімназіі.

У дзіцячай школе мастацтваў імя Р.Р.Шырмы адбыўся займальны ўрок сальфеджыа ў першым класе.

Яго падрыхтавалі і правялі настаўнікі тэарэтычнага аддзялення ўстановы – Н.А.Засім, Г.Я.Масайла і А.У.Сівуда.

Памяці славутага земляка Рыгора Раманавіча Шырмы, 130-годдзе з дня нараджэння якога адзначалася на мінулым тыдні, быў прысвечаны шэраг мерапрыемстваў ва ўстановах культуры Пружаншчыны.

Рыгор Раманавіч Шырма (псеўданімы – Р.Баравы, Вучыцель) (21 (08).01.1892 – 23.03.1978) – беларускі харавы дырыжор, кампазітар, педагог, фалькларыст, этнограф, грамадскі дзеяч, публіцыст, латаратуразнаўца.

У мінулыя выхадныя найбольш мерапрыемстваў было прысвечана духоўна-маральнай тэматыцы. І нездарма. Менавіта ў дні Нараджэння Хрыстова ёсць яшчэ адна нагода ўспомніць аб душы, светлым свяце, прыйсці ў храм, паслухаць добрыя спевы, наведаць родных.