У Навасёлкаўскім сельскім Доме культуры на мінулым тыдні быў праведзены майстар-клас “Вясёлы чаўночак”. Мясцовыя дзяўчаты прыйшлі ва ўстанову, каб даведацца аб сакрэтах ткацкай справы, якімі вялодае майстрыха Людміла Яроцкая.
Работнікі клубных устаноў Пружаншчыны ў мінулыя выхадныя правялі шэраг мерапрыемстваў у рамках рэалізацыі праекта “Хай заўжды будзе заўтра”, накіраванага на прафілактыку шкодных звычак і прапаганду здровага ладу жыцця.
12 лютага ў танцавальнай зале Пружанскага гарадскога Палаца культуры прайшла танцавальна-забаўляльная праграма «О любви», прысвечаная Дню закаханых, якую падрыхтавалі ўдзельнікі ўзорнага клуба «Teens-фармат».
Менавіта такую назву носіць выстава, якая 9 лютага 2022 года адкрылася ў музеі-сядзібе “Пружанкі палацык”. Яна прысвечана Году гістарычнай памяці і з’яўляецца напамінам аб жудасных падзеях Вялікай Айчыннай вайны.
На працягу тыдня у бібліятэках Пружанскага раёна прайшоў шэраг цікавых спраў, адкрыліся новыя выставы.
Так, 5 лютага ў Ліноўскай сельскай бібліятэцы адбылася гульнявая праграма “Прыгоды на балоце” з цыклу мерапрыемстваў “Я з кнігай адкрываю свет”. Рабят сустрэла Пачвара Балотаўна, якая расказала аб сваім месцы жыхарства і прапанавала па ім пагуляць. Падчас падарожжа дзеці выконвалі розныя заданні і даведаліся шмат цікавага аб балотах. Хлопчыкі і дзяўчынкі разгадвалі загадкі, глядзелі ўрыўкі з мультфільмаў, а таксама знаёміліся з правіламі паводзін і кнігамі па тэме. Да мерапрыемства была падрыхтавана кніжная паліца “Балоты – багацці нашай Радзімы”.
У 1964 г. Міжнародная Асамблея Арганізацыі Аб’яднаных Нацый зацвердзіла 8 лютага Днём юнага героя-антыфашыста. Гэты дзень быў абраны ў памяць аб падлетках Даніэлі Феры, які загінуў падчас антыфашысцкага мітынгу ў Парыжы ў 1962 г., і Фадыле Джамале, закатаваным у турме Багдада ў 1963 г. Гэтыя падзеі адбыліся ў адзін дзень з розніцай ў год. Таксама вядома, што 8 лютага 1943 г. – гэта трагічныя даты для савецкай і французскай гісторыі: у г.Краснадон былі растраляны ўдзельнікі антыфашысцкай арганізацыі «Маладая гвардыя», у Парыжы нямецкія акупанты забілі 5 падлеткаў-падпольшчыкаў.
Менавіта гэтыя жудасныя супадзенні сталі адной з прычын аб’яўлення 8 лютага Днём памяці юнага героя антыфашыста.
Канцэртная праграма “Хата бацькоў” прайшла 5 лютага ў Кляпацкім сельскім Доме культуры. Яе прадставілі ваеннаслужачыя 557-й інжынернай брыгады (г.Гродна). Акрамя знаёмства з творчасцю ваенных музыкантаў ўсе жадаючыя змаглі наведаць выставу ўзбренння і экіпіроўкі воінскай часці, даведацца аб асаблівасцях службы ва Узброеных Сілах Беларусі.
3 – 4 лютага 2022 года на базе ўстаноў культуры Гомельскай вобласці прайшоў Рэспубліканскі семінар “Выкарыстанне творчага рэсурсу аматарскіх клубных фарміраванняў і калектываў ў сацыякультурнай дзейнасці рэгіёна. Арганізацыя масавых мерапрыемстваў як аснова захавання нацыянальных культурных традыцый”, у якім прынялі ўдзел прадстаўнікі Пружанскага раёна.
2 лютага 2022 года у Пружанскім гарадскім Палацы культуры адбылося ўрачыстае ўшанаванне 100-гадовага юбіляра Еўдакіі Мікітаўны Клімашэвіч, якая шмат гадоў працавала на ніве культурнага жыцця раёна.
2 лютага 100-годдзе з дня нараджэння адзначае цудоўны і творчы чалавек – Еўдакія Мікітаўна Клімашэвіч. Наша калега, ветэран працы, рабочы шлях якой быў звязаны з установамі адукацыі і культуры Пружаншчыны. Яна больш за 20 год працавала ў Комлішчанскай сельскай бібліятэцы і сёння займае актыўную жыццёвую пазіцыю, а таксама стварае прыгожыя рэчы сваімі рукамі.
На мінулым тыдні ва ўстановах культуры Пружаншчыны працягваліся мерапрыемствы з нагоды святкавання 130-годдзя з дня нараджэння Р.Р.Шырмы. Напрыклад, літаратурна-музычную імпрэзу “Духоўны арыенцір беларусаў” да юбілею вядомага земляка правялі ў цэнтральнай раённай бібліятэцы імя М.Засіма. На вечарыне прагучалі малавядомыя факты з жыцця Шырмы, вершы, песні ў выкананні В.Красько і хору храма святога благавернага князя Аляксандра Неўскага (падрабязней тут). А ў Навасёлкаўскім сельскім Доме культуры адбылася дзіцячая фальклорная гадзіна з цыклу “Славутыя землякі”. У этнаграфічным кутку ўстановы рабяты не толькі даведаліся аб жыцці і творчасці нашага вядомага ўраджэнца, але і разам паспявалі беларускія песні.
