Да Дня работнікаў сельскай гаспадаркі і перапрацоўчай прамысловасці аграпрамысловага комплексу клубныя ўстановы Пружаншчыны падрыхтавалі шмат віншавальных праграм.

Так, у Белавусаўшчынскім сельскім клубе-бібліятэцы адбылася святочная вечарына. Творчыя нумары, падрыхтаваныя аматарскімі калектывамі ўстановы, былі напоўнены пазітывам, крэатывам і гумарам.

Велікасельскі сельскі Дом культуры запрасіў работнікаў мясцовай гаспадаркі на тэматычны канцэрт «Для тых, хто годна працуе».

Святочны канцэрт з удзелам самадзейных артыстаў прапанаваў Мураўскі сельскі Дом культуры.

Канцэртную праграму «Сэрца маей зямлі» зладзіў Старавольскі сельскі клуб-бібліятэка. Перад гледачамі выступілі ўдзельнікі гуртка сольных спеваў.

А Сухопальскі сельскі клуб-бібліятэка накіраваўся з міні-канцэртамі на рабочыя месцы сельскіх працаўнікоў, каб павіншаваць іх са святам творчымі нумарамі-падарункамі.