У дзяржаўнай установе адукацыі “Ружанская дзіцячая школа мастацтваў” 2 верасня адбылося музычнае свята “Восеньская мелодыя”, прысвечанае пачатку новага навучальнага года.

Перад шматлікімі прысутнымі – дзецьмі, бацькамі, настаўнікамі, гасцямі – выступілі вучні, якія творча прадставілі спецыяльнасці, на якіх навучаюцца. Прагучалі музычныя і вакальныя нумары, былі выкананы харэаграфічныя пастаноўкі.

Да ўдзельнікаў урачыстага мерапрыемства звярнулася дырэктар установы адукацыі ў сферы культуры Аксана Фёдараўна Смірнова. Яна павіншавала ўсіх з пачаткам навучальнага года, пажадала поспехаў у вучобе і выдатных вынікаў у сумеснай працы. Таксама яна прадставіла педагогаў, якія пачынаюць працаваць у школе мастацтваў, – маладога спецыяліста Д.Л.Крываль, якія будзе выкладаць тэарэтычныя дысцыпліны, і настаўніка па класу скрыпкі В.В.Наўгародскую.

Ружанская дзіцячая школа мастацтваў пачынае новы навучальны год. У добры шлях!