У мінулую пятніцу ў Ружанскай дзіцячай школе мастацтваў прайшло традыцыйнае свята “Пасвячэнне першакласнікаў у музыканты”.

На гэту ўрачыстасць сабраліся не толькі самыя юныя школьнікі, але і вучні іншых класаў, педагогі, бацькі, госці, сябры.

Падчас мерапрыемства першакласнікі прадставілі некалькі творчых нумароў. У адрас маленькіх музыкантаў прагучала шмат віншаванняў і пажаданняў, ім былі ўручаны дыпломы і салодкія прызы.

Да гэтай важнай падзеі вучні другіх і трэціх класаў падрыхтавалі выдатную канцэртную праграму.

Свята першакласнікаў у Ружанскай дзіцячай школе мастацтваў падаравала пазітыўныя эмоцыі і радасны настрой усім яго ўдзельнікам.