Народнае аматарскае аб’яднанне «Смаляначка»
Навасёлкаўскага сельскага Дома культуры

Кіраўнік — Анатоль Васільевіч Харытановіч
Год стварэння — 1981
Год прысваення звання – 2018

Адным з носьбітаў і захавальнікам мясцовых абрадавых традыцый на Пружаншчыне з’яўляецца народнае аматарскае аб’яднанне «Смаляначка».

У рэпертуары аб’яднання – беларускія народныя песні, самабытныя танцы, прыпеўкі, мясцовыя найгрышы, абрады.

«Смаляначка» аб’ядноўвае аматараў народнай песні, майстроў дэкаратыўна-прыкладнога мастацтва, музыкантаў, вучняў школы.

Удзельнікі калектыва аднаўляюць мясцовыя строі народных касцюмаў, збіраюць фальклор, у тым ліку рэцэпты традыцыйных страў.

Аматарскае аб’яднанне з абрадам «Запускі» прымала ўдзел у тэлепраграмах «Наперад у мінулае» (тэлеканал «Беларусь 3») і «Берасцейская скарбніца» (тэлеканал «Беларусь 4»).

Аб’яднанне прымала ўдзел у розных мерапрыемствах, конкурсах і фестывалях раённага, абласнога і рэспубліканскага ўзроўняў. Неаднаразова прадстаўляла сваю тврчасць на святах «Бяседа вясельная» і «Кірмаш Зубра» у г.Гайнаўка (Рэспубліка Польшча).

Па ініцыятыве народнага аматарскага аб’яднання «Смаляначка» ў 2019 г. быў арганізаваны і праведзены раённы семінар па народным танцы, на якім майстар-клас правёў харэограф, этнограф, загадчык аддзела аматарскай творчасці Любанскага раённага цэнтра культуры, кіраўнік узорнага калектыву «Верабейкі» С.Р.Выскварка.

Народнае аматарскае аб’яднанне «Смаляначка» ўзнагароджана:

— дыпломам II-й ступені регіянальнага свята-конкурса вакальна-харавога мастацтва «Пеўчае поле» (г.Пружаны, 2019 г.);
— граматамі за І-е і ІІ-е месцы ў намінацыях «Найгрышы з прыпеўкамі» і «Народная песня” XIX-га раённага фестываля народнай творчасці «З крыніц спрадвечных» (г.Ляхавічы, 2020 г.).