28 сакавіка да Сусветнага дня паэзіі Пружанская цэнтральная раённая бібліятэка імя М.Засіма зладзіла творчую сустрэчу з паэтэсай Аленай Аляксандраўнай Котавай “Паэтычнае слова не ведае межаў”. На ёй наша зямлячка прэзентавала свой новы зборнік вершаў “Да бацькоў” і правяла з прысутнымі цікавую гутарку-віктарыну.
Падзяліўшыся на дзве каманды госці сустрэчы адказвалі на пытанні па творчасці сучаснага літаратара, даведаліся аб яе любімых пісьменніках і спеваках, а таксама выразна прачыталі вершы Алены Котавай.
Мерапрыемства завяршылася прыемнымі падарукамі. Алена Аляксандраўна перадала свой зборнік вершаў ў дар раённай бібліятэцы.