Паспех садзейнічаў юным музыкантам з Новазасімавіцкай дзіцячай школы мастацтваў, якія ў красавіку 2022 года прынялі ўдзел у IV Міжнародным шматжанравым фестывалі-конкурсе творчасці «Millennium» (г.Брэст).

Разам з мноствам канкурсантаў з розных краін рабяты з Новых Засімавічаў годна прадставілі родную ўстанову.

Дыплом лаўрэата ІІ ступені атрымала вучаніца па класу цымбалаў Яна Каралькевіч (настаўнік Ірына Леанідаўна Гуц, канцэртмайстар Таццяна Пятроўна Яўстраценка).

Дыпломамі лаўрэатаў ІІІ ступені былі адзначаны вучаніцы па класу цымбалаў Жасмін Гумінская (настаўнік І.Л.Гуц, канцэртмайстар Таццяна Іванаўна Камянюк) і домры – Соф’я Завіжэнец (настаўнік Наталля Уладзіміраўна Младзёнава, канцэртмайстар Лілія Мікалаеўна Філімовіч).

Таксама дапламантамі І ступені сталі вучаніца па класу скрыпкі Юлія Сідарава (настаўнік Дзіна Алегаўна Сідарава, канцэртмайстар Т.П.Яўстраценка) і ансамбль скрыпачоў «Экспромт» у складзе Ксеніі Гетэрла і Дар’і Кот (настаўнік Д.А.Сідарава, канцэртмайстар Л.М.Філімовіч).

Віншуем юных музыкантаў і іх педагогаў і жадаем новых перамог!