Народная вакальная група «МакSимум»
Пружанскага гарадскога Палаца культуры

Кіраўнік – Котаў Аляксандр Юр’евіч
Год стварэння – 2011
Год прысваення звання – 2015

Вакальная група «МакSимум» – гэта дзве пары аматараў-выканаўцаў, якія дасканала валодаюць эстрадным вакальным жанрам. Выступленні калектыва праходзяць у суправаджэнні фанаграмы мінус адзін.

Рэпертуар групы і тэматыка яе песень разнастайная – сучасныя эстрадныя творы, папулярныя шлягеры, беларускія народныя песні і песні савецкага часу ў сучаснай апрацоўцы, шансон.

Вакальная група «МакSимум» прымае ўдзел у шоу-праграмах, святочных канцэртах, мерапрыемствах Палаца культуры, адкрывае ўрачыстыя цырымоніі, выступае на прадпрыемствах горада,  сцэнічных пляцоўках у вёсках і аграгарадках.

Калектыў годна прадстаўляе Пружанскі раён на святочных мерапрыемствах у суседніх раёнах вобласці, удзельнічае ў рэспубліканскіх, абласных, раёных мерапрыемствах і конкурсах.

Народная вакальная група «МакSимум» узнагароджана дыпломам II-й ступені V-га міжнароднага фестываля-конкурса «Новые вершины» (г.Мінск, 2019 г.).

У  2021  г.   калектыў стаў лаурэатам   І-й   ступені  ў  намінацыі  “вакал,  эстрадны  вакал”  ІІ міжнароднага   шматжанравага   конкурсу-фестывалю   “Древо  –  Сияние” (г.Майкоп – г.Краснадар, Расія).