Юныя музыканты дзяржаўнай установы адукацыі “Шарашоўская дзіцячая школа мастацтваў” паспяхова выступілі ў on-line конкурсах, якія праводзіла Расійскае агенцтва творчых тэхналогій «Канкурсант» (г.Краснадар)

Напярэдадні свята Перамогі аддзел ідэалагічнай работы і па справах моладзі Пружанскага раённага выканаўчага камітэта правёў раённы конкурс малюнкаў “Перамога ў нашых руках”.

На мастацкае спаборніцтва, прысвечанае 9 Мая і 80-годдзю вызвалення Беларусі ад нямецка-фашысцкіх захопнікаў, было прадстаўлена 19 вучнёўскіх творчых работ.

Паводле рашэння журы перамога ў конкурсе была прысуджана малюнку Іаланты Мухі, вучаніцы дзяржаўнай установы адукацыі “Шарашоўская дзіцячая школа мастацтваў”.

Дыплом за першае месца і прыз Іаланта атрымала на выпускным вечары ў Шарашоўскай дзіцячай школе мастацтваў.

Віншуем!!! Жадаем новых перамог!

11 мая 2024 года ў Брэсцкім абласным грамадска-культурным цэнтры адбыўся танцавальны конкурс «Жоўты мядзведзь». Арганізатарам мерапрыемства з’яўлялася таварыства з абмежаванай адказнасцю «Кіраванне падзеямі». У конкурсе прынялі ўдзел творчыя калектывы ўстаноў адукацыі і культуры, а таксама прыватныя школы танца з розных рэгіёнаў Беларусі.

10 – 13 мая 2024 года ў Мінску ў Палацы культуры чыгуначнікаў прайшоў IX Міжнародны фестываль-конкурс харэаграфічнага мастацтва “Зажги свою звезду”. Яго арганізатарамі з’яўляліся міжнародны творчы праект “Светоч”, харэаграфічны тэатр дзяцей і моладзі “Пралесачка” (Беларусь) і дабрачынны фонд падтрымкі і развіцця народнай культуры “Содружество” (Расія). Шматгадовую падтрымку конкурсу аказваюць дыпламатычныя прадстаўніцтвы, розныя арганізацыі і ўстановы Беларусі, Расіі, Казахстана і Балгарыі.

З 13 сакавіка па 30 красавіка 2024 года ў Баранавіцкім раёне на базе Гарадзішчанскай дзіцячай школы мастацтваў у дыстанцыйнай форме праходзіў VI Міжнародны фестываль-конкурс дзіцячай творчасці «Палітра зорак».

На гэтым конкурсе Новазасімавіцкую дзіцячую школу мастацтваў паспяхова прадставілі 7 вучняў.

21 красавіка 2024 года ў абласным цэнтры пры падтрымцы Брэсцкага гарадскога выканаўчага камітэта адбыўся Міжнародны шматжанравы фестываль творчасці “Millenium”. У ім паспяхова прынялі ўдзел вучні Ліноўскай дзіцячай школы мастацтваў, якія займаюцца пад кіраўніцтвам настаўніка Аляксандра Якаўлевіча Малайчука.

Падчас урачыстага святкавання 1 Мая работнікі розных сфер дзейнасці былі адзначаны высокімі ўзнагародамі. Сярод іх – работнікі сферы культуры.

Нядаўна былі падведзены вынікі II Міжнароднага конкурсу-фестывалю ў галіне культуры «GIobaI Asia-2024» (Масква – Пекін). Гэты праект рэалізуецца ў рамках распараджэння Прэзідэнта Расійскай Федэрацыі пры падтрымцы Міністэрства культуры Расіі і дзяржаўнага партала «PROКультура». У конкурсе паспяхова паўдзельнічалі вучні Новазасімавіцкай дзіцячай школы мастацтваў. Лаўрэатамі I cтупені сталі: у намінацыі «інструментальнае выканальніцтва (скрыпка)» – Кірыл Літвінчук і Дар’я Кот, «інструментальныя ансамблі (узрост 11 – 12 год)» – скрыпічны ансамбль «Экспромт» у складзе Дар’і Кот і Ксеніі Клім. Да выдатнага выступлення рабят падрыхтавалі настаўнік Дзіна  Алегаўна Сідарава і канцэртмайстар Таццяна Пятроўна Яўстраценка.

У сакавіку 2024 г. адбыўся Х міжнародны фестываль мастацтваў “Новыя вяршыні” (г.Мінск). Яго арганізатарамі з’яўляліся Мінскі абласны драматычны тэатр, культурна-спартыўны цэнтр Мінскага аддзялення Беларускай чыгункі і Беларускі саюз музычных дзеячаў.

У конкурснай праграме фестывалю прыняла ўдзел вучаніца 5 класа фартэпіяна Ліноўскай дзіцячай школы мастацтваў Ганна Аістава. Яе выступленне было высока ацэнена журы – дзяўчына атрымала Дыплом ІІ ступені ў намінацыі “Інструментальная музыка (сола)” ва ўзроставай катэгорыі 12 – 14 год.

Віншуем Ганну Аіставу і яе настаўніка Галіну Іванаўну Малясаву з поспехам на фестывалі “Новыя вяршыні”!

30 сакавіка былі падведзены вынікі V Рэспубліканскага конкурсу мастацтваў «Музычны феерверк», арганізатарамі якога з’яўляліся аддзел культуры Маладзечанскага райвыканкама, Цэнтралізаваная клубная сістэма Маладзечанскага раёна і Беларускі саюз музычных дзеячаў.

23 сакавіка 2024 года ўдзельніца эстраднай студыі Ружанскага цэнтра культуры і вольнага часу Уладзіслава Шчурская прыняла ўдзел у V Адкрытым фестывалі-конкурсе дзіцячай творчасці «Маленькая зорачка». Творчае спаборніцтва праводзілася па некалькіх намінацыях Брэсцкім дзяржаўным абласным цэнтрам маладзёжнай творчасці пры падтрымцы галоўнага ўпраўлення па адукацыі Брэсцкага аблвыканкама.

У лютым 2024 года ў Магілёве прайшоў ХI міжнародны шматжанравы фестываль-конкурс мастацтваў «Дняпроўскія хвалі», які праводзіцца прыватным унітарным прадпрыемствам “Адукацыйна-прадзюсарскі цэнтр “Аванці” пры падтрымцы Беларускага саюза музычных дзеячаў.