Нядаўна адбылося свята вёскі ў Смаляніцы. Яно было прымеркавана да 80-й гадавіны вызвалення населенага пункта ад нямецка-фашысцкіх захопнікаў.
Мерапрыемства было арганізавана Навасёлкаўскім сельскім Домам культуры сумесна з Хараўскім сельвыканкамам.
З віншавальнымі словамі да прысутных звярнуліся старшыня мясцовай улады Алёна Пстыга і настаяцель храма свяціцеля Мікалая Цудатворцы Сергій Худзяеў.
Сваімі нумарамі вяскоўцаў парадавалі калектывы аматарскай творчасці і салісты Навасёлкаўскага сельскага Дома культуры і Хараўскога сельскага клуба-бібліятэкі.
