Галоўным месцам правядзення вольнага часу насельніцтва пасёлка Ружаны з’яўляецца Ружанскі Цэнтр культуры і вольнага часу. Асноўнымі задачамі ўстановы з’яўляюцца: стварэнне ўмоў для творчай самарэалізацыі асобы, арганізацыя вольнага часу ўсіх катэгорый насельніцтва, развіццё аматарскай творчасці.

Для усіх жадаючых ва ўстанове працуюць 12 калектываў аматарскай творчасці.

У рэпертуары вакальнага гурта “Ваколіца” беларускія народныя песні, песні беларускіх аўтараў, выконваемыя у суправаджэнні баяна, фанаграмы і акапэльна. Калектыў прымае актыўны ўдел у святочных канцэртах, народных святах, абрадах, конкурсах. Узнагароджаны дыпломам ІІ ступені ў намінацыі “Жартоўная песня” ў абласным свяце гумару «Спораўскія жарты 2019»

Хор ветэранаў працы “Крынічанька”  пастаянна прымае удзел у канцэртах аматарскай творчасці. У рэпертуары беларускія народныя песні, песні беларускіх аўтараў. Неаднаразовы дыпламант раённага конкурса вакальна- харавога мастацтва “Пеўчае поле”.

Эстрадная студыя прымае удзел у канцэртах, аглядах  аматарскай творчасці. У рэпертуары дзіцячыя песні, беларускія народныя песні, песні беларускіх аўтараў, выконваюцца у суправадзэнні  музычных фанаграм.

Тэатральны гурт праводзіць абрады, пастановы, ўдзельнічае ў мерапрыемствах Цэнтра культуры і вольнага часу. З’яўляецца уладальнікам дыплома другой ступені ў абласным свяце гумару  ”Спораўскія жарты 2013”.

Удзельнікі гуртка сольных спеваў з’яўляюцца пастаянымі удзельнікамі канцэртных праграм. У рэпертуары калектыва беларускія народныя песні, песні беларускіх аўтараў, выконваюцца у суправаджэнні музычных фанаграм.

Лялечны гурток ладзіць пастановы на паставе рускіх, беларускіх казак, ўдзельнічае ў мерапрыемствах.

У складзе сямейнага гуртка працуе сям’я Марыя і Аляксандр Барысевічы. Гурт неаднаразова з’яўляўся ўдзельнікам і лаўрэатам абласнога свята-конкурсу сямейнай творчасці “Под крышей дома твоего”.

Аматарскае аб’яднанне “Саюз” прапагандуе здаровы лад жыцця¸ праз заняткі атлетычнай гімнастыкай, прымае ўдзел у мерапрыемствах установы, а таксама выхоўвае спартыўны дух і прапагандуе здаровы лад жыцця.

Аматарскае аб’яднанне “Берагіня” сумесна з нядзельнай школай пры праваслаўнай царкве,  вучыць палдеткаў духоўнасці, узраджэнню эстэтычнага густу, уменню бачыць, разумець і шукаць прыгажосць ва ўсіх сферах жыцця, развіваць іх здольнасці і таленты, акцёрскае майстэрства, выклікаць інтарэс да праваслаўнай культуры, тэатру.

Аматарскае аб’яднанне “Вольны час” наладжвае сумеснае баўленне вольнага часу людзей сталага узросту, дапамагае перадаваць нашчадкам жыццёвы і сацыяльны вопыт, выхоўваць на лепшых традыцыях.

Аматарскае аб’яднанне “Скарбонка”  аб’ядноўвае дзяцей, моладзь, якія захапляюцца вывучэннем, захаваннем спадчыны, самабытнай культуры свайго народа. Праз абрады, паседжанні, святы развівае здольнасці і таленты, пабуджае выклікаць у дзяцей цікавасць да народнага мастацтва.

Аматарскае аб’яднанне “Ладдзя” наведваюць пажылыя грамадзяне і інваліды, якія захапляюцца шахматамі і шашкамі.

Увогуле, ўся дзейнасць Ружанскага Цэнтра культуры і вольнага часу – гэта пошук новых творчых ідэй і задумак для арганізацыі карыснага адпачынку насельніцтва.